MAREHEMU ALIYEKAA MOCHWARI TANGU MWEZI ULIOPITA KUTOKANA NA MGOGORO WA KUMZIKA, HATIMAYE AMEAGWA

Mama wa marehemu Emmanuel, Hilda Lewi Nambuo Temu akiaga mwili wa                                       mwanaye kwa simanzi.

Ndugu, jamaa na marafiki wakiaga mwili wa marehemu Emmanuel.

Mke wa Marehemu, Happines Emmanuel akiaga mwili wa mumewe kwa                                                    majonzi.

 

































Emmanuel Lewi Nambuo Temu enzi za uhai wake

HATIMAYE mwili wa marehemu Emmanuel Lewi Temu aliyefariki dunia Februari 16 mwaka huu umeagwa leo katika Hospitali ya Temeke jijini Dar es Salaam.

Ndugu, jamaa na marafiki walijitokeza kwa ajili ya kuaga mwili wa marehemu huyo ambaye alikuwa amezua mzozo ndani ya familia ya mlimbwende Hoyce Temu aliyekuwa Miss Tanzania 1999.

Juzi, Mahakama ya Wilaya Temeke ilitoa hukumu iliyompa ushindi mama wa marehemu Emmanuel, Hilda Temu aliyekuwa amefungua kesi dhidi ya mjomba wa marehemu, Jacob Temu aliyekuwa akipinga marehemu kuzikwa katika makaburi ya ukoo wa Temu yaliyopo eneo la Kitahire, Old Moshi mkoani Kilimanjaro.

Baada ya kuagwa, mwili wa marehemu umesafirishwa kuelekea Old Moshi kwa ajili ya mazishi yatakayofanyika Leo Jumamosi.