CCM YATWAA MAJIMBO YOTE YALIYOKUWA UPINZANI MKOANI SIMIYU

mcharoman blog fahar yako mtanzania

washindi ngazi ya ubunge jimbo la maswa mashariki Bw.Stanslous nyongo(kushoto) na maswa magharibi Bw Ndaki mashimba mashauri (kulia)pamoja na katibu wa cc wilaya ya maswa Bw omary mtua wakijadili jambo

MATOKEO ya Uchaguzi wa Wabunge katika mkoa wa Simiyu yameanza kutangazwa huku wabunge wa upinzani wakiangushwa na sura mpya za vijana zikiingia huku Chama Cha Mapinduzi(CCM) kikitwaa majimbo yote saba.

Katika wilaya ya Maswa ambapo kuna majimbo mawili ya Maswa Mashariki na Maswa Magharibi wabunge waliokuwa wanatetea nafasi hizo ambao ni John Shibuda wa Maswa Magharibi(ADA TADEA) na Slivester Kasulumbayi(Chadema)wakiangushwa vibaya.

Msimamizi wa uchaguzi maswa mashariki na maswa magharibi Bw.Transias Kagenzi akitangaza matokeo

Msimamizi wa Uchaguzi wa Majimbo hayo,Trasias Kagenzi alimtangaza Stanslaus Nyongo(CCM)kuwa mshindi kwa kupata kura 34746 na kuwashinda wagombea wengine ambao ni Slivester Kasulumbayi(Chadema) kura 19209,Peter Jibalya(ADA TADEA)kura 710 na Samwel Guya(ACT
Wazalendo)kura 304.

Shamra shamra za kupokea matokeo ya uchaguzi wilayani maswa

Katika jimbo la Maswa Magharibi,Mgombea wa CCM,Mashimba Ndaki alitangazwa mshindi kwa kupata kura 76150 na kuwashinda wagombea wenzake ambao ni John Shibuda (ADA TADEA) kura 3739,Abdalah Patel(Chadema)kura 12191 na Tungu Gasomi(ACT Wazalendo)kura 567.

Katika jimbo la Busega Msimamizi wa Uchaguzi jimbo la Busega,Hamis Yunah alimtangaza Dr Chegeni Raphael(CCM)kuwa Mbunge kwa kupata kura40,977 na kuwashinda wagombea wengine ambao ni David William(Chadema)kura 26,995 na Zangi Robert(UDP)kura 802.

Msimamizi wa Uchaguzi jimbo la Itilima,John Lyimo alimtangaza Njalu Silanga(CCM)kuwa mshindi kwa kupata kura 55,850 na kuwashinda wagombea wengine ambao ni Martin Makondo(CUF)kura 28,000,Martine Magile(Chadema)kura 8000 na John Cheyo(UDP)kura 5575.

Taarifa za awali jimbo wa Meatu, SalumHamis(CCM) kuwa mshindi na kumshinda Mbunge anayemaliza muda wakeMeshack Opulukwa (Chadema) na Jimbo la Kisesa,Luhaga Mpina(CCM) kuwa mshindi.
Katika jimbo la Bariadi Andrew Chenge(CCM) ameibuka na kuwa mshindi.

                     STORY NA SAMWEL MWANGA