MKUU WA WILAYA ADAI NI UJINGA NA UFINYU WA AKILI KWA WANAOWAUA WATU WENYE ULEMAVU WA NGOZI(ALBINISM)

mcharoman blogy fahar yako mtanzania

Mkuu wa wilaya ya bariadi na pia kaimu mkuu wa wilaya ya maswa mkoani simiyu Mh. Ponsiano Damiano Nyami akiwa  ndani ya studio za redio sibuka fm

Tatizo la mauaji ya watu waishio na ulemavu wa ngozi (Albinism) limekuwa kubwa hasa katika mikoa ya kanda ya ziwa ambayo ni simiyu,shinyanga,mwanza na mingine ambayo ipo ukanda huu ambapo sababu kubwa ni uelewa mdogo wa watu wanaofanya vitendo hivyo
Akizungumzia suala hilo mkuu wa mkoa wa bariadi mkoani simiyu ambaye pia anakaimu kwa wilaya ya maswa katika kipindi cha pambazuko la afrika mashariki kinachorushwa na redio sibuka fm amesema suala hili linatakiwa kila mmoja kwanza awe na hofu ya mungu kwa kutomtendea mwenzake kitu kibaya ambacho yeye mwenyewe hapendi atendewe "Kila mtu anasiku yake ya kufa na pia siku hii ya kufa ndiyo siku ya mwisho kwake kuishi hapa duniani kwa hiyo ni vizuri kumuogopa mungu kwan yeye ndiye anayepanga kila kitu na sio binadamu na pia mungu ndiye aliyetuumba sisi sote iweje wewe umuue mwenzako" Alihoji mkuu huyo

Mh.Ponsiano Nyami akisisitizia jambo flani akiwa studioni

Pia kuhusu kuita ujinga suala hilo amesema kuwa niukweli usiopingika kuwa kutokana na kitu usichokijua huo ndio ujinga na unaweza kuelimishwa ukaachana na hali hiyo " ujinga ni kitu ambacho hukijui na ukielimishwa unaachana na hali hii tofauti na mpumbavu ambaye yeye hata aelekezwe hatoweza kuachana na upumbavu" Alisema ponsiano
Kwaupande mwingine amewahimiza wananchi katika suala la kujenga maabara katika shule za sekondary nchini ili kuweza kuapata wataalamu  wa masuala mbalimbali  baada ya kupata elimu kupitia maabara hizo
Pamoja na hayo pia kuhusu suala la chanjo kwa watoto wenye umri kati ta miaka mitano hadi kumi na nne amewataka wazazi na walezi kuwapeleka watoto hao katika shule mbali mbali kuweza kupata chanjo hiyo ambayo inatolewa kuanzia tarehe 21/05/2015 hadi 22/05/2015 kwa wilaya ya maswa