UCHAGUZI WA WAGOMBEA UBUNGE CHADEMA MKOA WA SIMIYU , MKUTANO WAVUNJIKA

mcharoman blogy fahar yako mtanzania

Wajumbe wa Mkutano mkuu wa chama cha Demokrasia na Maendeleo (Chadema) wilaya ya Bariadi waktoka nje baada ya Mkutano wao kuvunjika, ambao ulikuwa na lengo la kuwachagua wagombea ubunge katika jimbo hilo. mkutano huo ulivunjika baada ya kuwepo kwa vitendo vya rushwa kutoka kwa baadhi ya wagombea kugawa fedha kwa wajumbe.

Licha ya Chama cha Demokrasia na Maendeleo (Chadema) kupiga vita kwa ukali suala la Rushwa ndani ya chama, hali inaonekana kwa wanachana wake hawako tayari kuachana a hali hiyo, baada ya jana kudhihirisha kuwa rushwa bado mchwa kwa taifa, baada ya mkutano mkuu wa chama hicho uliokuwa na lengo la kuwatafuta wagombea wa nafasi ya ubunge katika wilaya ya Bariadi Mkoani Simiyu, kuvunjika kutokana na kubainika kuwepo kwa vitendo vya rushwa.

  

Mkutano huo ulivunjika majira ya saa 3:30 mchana, baada ya viongonzi wa chama hicho wilaya, pamoja na wasimamizi kubaini kuwepo kwa vitendo vya rushwa kwa wagombea kubainika wanagawa fedha kwa wajumbe ili wawapigie kura.

Kabla ya kutangazwa kuvunjika kwa mkutano huo vitendo vya rushwa vilianza kujitokeza mnamo saa 6:00, baada ya wapambe wa wagombea kuanza kugawa fedha kama njugu kwa wajumbe huku baadhi yao wakikamatwa na vijana wa ulinzi wa chama hicho (Red briged) baada ya kukutwa wakigawa fedha hizo.

Mtando wa Simiyu News ulishuhudia vijana hao wa ulinzi wakiwakamata akina mama wawili (majina yahifadhiwa) pamoja na mmoja wa mpambe wa mgombea Masunga Kiyumbi wakiwapeleka chumba maalumu katika ukumbi uliokuwa unatumika kufanyia mkutano huo kwa ajili ya mahojiano.

Mjadala ukiendelea nje ya ukumbi baada ya mkutano kuvunjika.

Hata hivyo ilibainika kuwa baadahi ya wapambe wa wagombea walikutwa wakigawa fedha hizo kiasi cha shilingi 20,000 kwa kila mjumbe.

Mara baada ya kuhojiwa na vijana hao wa ulinzi, mpambe huyo alipotakiwa na waandishi wa habari nje ya ukumbi wa mkutano kujibu tuhuma zinzomkabili, alisema kuwa yeye alikuwa akitoa fedha kwa watu waliomuomba awanunulie maji ya kunywa.

 

“ ni kweli nimekamatwa na kuhojiwa lakini siyo rushwa..mimi watu mbalimbali wakiwemo wanawake..waliku wakiniomba niwanulie maji ya kunywa..na mimi sikukataa nikawa natoa pesa nfukoni kwa ajili ya kuwanunulia ndipo nikakamatwa” Alisema mpambe huyo.

Alibainisha kuwa kuwanunulia maji watu waliomuomba hiyo siyo rushwa bali ni upendo na kueleza kuwa yeye siyo mgombea bali alikuwa anaonyesha upendo kwao, ambapo aliwataka waandishi wa habari wasiandike habari hiyo kwani inamchafua yeye pamoja na mgombea wake.

Baadhi ya wajumbe hawakukubalina na kuvunjwa kwa Mkutano huo, kwa madai kuwa ni matumizi mabaya ya fedha za chama, ambapo walitaka waliohusika kuengulika katika uchaguzi huo na uchaguzi kuendelea kama ilivyokuwa imepangwa.

Gari aina ya Fuso likiwa limewababeba wajumbe wa Mkuatno Mkuu wa Chadema kutka katika kata mbalimbali wilayani Bariadi Mkoani Simiyu, ambapo walikuwa wakiwasili katika mkutano huo ndani ya mji wa dutwa.

Msimamizi wa Uchaguzi huo Emmanuel Mbise alidhibitisha kuwepo kwa vitendo hivyo vya rushwa kwa wagombea, huku akieleza kuwa kitendo hicho ni kukichafua chama chao ambacho alieleza kuwa kimekuwa kikipiga vita kwa ukali vitendo vya rushwa.

Mbise alieleza kuwa baada ya kugundua kuwepo kwa vitendo hivyo kwa mamlaka aliyonayo na kushauliana na viongonzi wa chama wilaya, waliamua kuvunja mkutano huo ili kuweza kufanya uchungunzi na kubaini waliohusika.

Msimamizi huyo alieleza kuwa watu watano walikamatwa na kuhojiwa baada ya kukutwa wakigawa fedha kwa wajumbe, huku akieleza kuwa watu hao walieleza kuwa fedha hizo zilikuwa zikitoka kwa wagombea.

“ tumewakuta na fedha nyingi walikuwa wakigawa kuanzia kiasi cha shilingi 15000 hadi shlingi 20,000 kwa kila mjumbe..mkutano mkuu wa wilaya ambao ulikuwa na mamlaka ya kuwapata wagombe una wajumbe 700..tumeamua kuvunja mkutano ili tufanye uchunguzi kwanza na atakayebainika atachukuliwa hatua kali..na uchaguzi tutatangaza baadaye” Alisema Mbise.

Msimamizi huyo alieleza kuwa hakutegemea wagombea kugawa fedha hizo kwa wingi, huku akibainisha kuwa fedha zilikuwa zikugawiwa kama kalanga kwa wajumbe hao na wengine wakinunuliwa chakula pamojana chai.

Jumla ya wagombea 12 wa nafasi ya ubunge katika jimbo hilo kupitia chadema, walikuwa wakiwania nafasi hiyo ambao ni Godwin Simba, Wilson Mshuda, Masanja Madoshi, Seni Silanga, Manyangu Shigukulu, Maendeleo Makoye, Sweye Makungu, Sita Mulemo, Wilson Limbo, Silvatus Masanja, pamoja na Mtemi Ndamo.

 SOURCE SIMIYU NEWZ