MWENYEKITI WA KIJIJI AKAMATWA NA FUVU LA KICHWA CHA BINADAMU MKOANI SIMIYU

mcharoman blogy fahar yako mtanzania

 

 

Afisa habari wa jeshi la polisi Mkoani Simiyu Mudi Ramadhan, akiwaonyesha waandishi wa habari (hawapo pichani) baadhi ya viuongo vinavyodhaniwa kuwa ni vya binadamu ambavyo vimekamatwa na jeshi hilo

Jeshi la polisi Mkoani Simiyu linamshikilia Chigila Gilala mkazi wa kijiji cha Bukigi kata ya Malampaka wilayani Maswa (45) kwa kosa la kukutwa na viungo zinavyozaniwa kuwa vya binadamu likiwemo fuvu la kichwa.

Mtuhumiwa huyo ambaye pia ni Mwenyekiti wa CCM katika kijiji hicho na Mganga wa tiba asili alikamatwa nyumbani kwake, baada ya kuwepo kwa taarifa kuwa  alikuwa amewahifadhi majambazi kwa ajili kugangwa (kuzindikwa).

 Akitoa taarifa kwa waandishi wa kamanda wa  jeshi la polisi Mkoani hapa Gemini Mushy alieleza kuwa tukio hilo la kukamatwa kwa mwenyekiti huyo lilitokea may 9 mwaka huu  majira ya saa 11 jioni katika kijiji hicho.

Kamanda Mushy alisema kuwa askari wakiongozwa na mkuu wa upelelezi katika wilaya ya maswa walipata taarifa kutoka kwa raia wema kuwepo kwa majambazi nyumbani kwa mganga huyo, kuwa alikuwa amewahifadhi kwa ajili ya kuwazindika.

Viungo vya Binadamu vilivyokamatwa, fuvu la kichwa pamoja na mifupa ya mikono au miguu.

Alisema kuwa baada ya kupata taarifa hizo walifanya msako nyumbani kwa mwenyekiti huyo, ambapo  alibainisha kuwa walianza kufanya upekuzi ndani na nje ya nyumba.

“ wakati wakifanya upekuzi huo walikutana na mfuko wa sandaruzi ukiwa chini ya lundo la kuni nje ya nyumba  ya mwenyekiti huyo..na katika mfuko huo kulipatikana fuvu la kichwa pamoja na mifupa ya mikono au miguu vinavyodhaniwa kuwa ni viungo vya binadamu” Alisema Mushy.

Kamanda alieleza kuwa jeshi hilo linaendelea kufanya uchunguzi kama kweli viungo hivyo ni vya binadamu na kama anahusika na uwepo wa viungo hivyo kutokana na  kukutwa nje ya nyumba yake.

Wakati huo huo kamanda Mushy alibainisha kuwa jeshi hilo linamshikiria  Gandula Mashimo mkazi wa kijiji cha Longalombogo kata ya Migato wilaya ya 

Itilima Mkoani hapa kwa kukutwa na Bunduki ya kivita SMG na risasi 273.

Alisema kuwa mtuhumiwa huyo alikamatwa juzi majira ya saa 3:30 usiku kijijini hapo, akiwa embeba siraha hiyo pamoja na risasi katika mfuko wa sandarusi.

Alisema kuwa mtuhumiwa alikamatwa baada ya wananchi kutoa taarifa kwa jeshi la polisi wilayani humo, ambapo alikamtwa akiwa njiani kuelekea kusikojulikana.

Mushy alieleza kuwa uchunguzi unaendelea ili kubaini washirika wake, ikiwemo na matumizi ya silaha hiyo, huku akitoa wito kwa wananchi mkoani hapa kutoa taarifa za watu wanaowahisi kuwa siyo wema katika maeneo yao.

Aidha alitoa onyo kwa ambaye anamiliki silaha bila kibali rasmi, kuwa ajisalimishe pamoja na silaha yake mara moja kabla ya msako mkali kuanza.

Risasi zikiwa jumla 273

Kamanda wa polisi Mkoa Polisi Mkoa wa Simiyu Gemuni Mushy akiwaonyesha waandishi wa habari (hawapo pichani) Bunduki aina ya SMG ya kivita ambayo imekamatwa na jeshi hilo.

SOURCE SIMIYU NEWS