WANAFUNZI WA CHUO KIKUU WAUAWA KWA KUPIGWA RISASI NA WATU WALIOFUNIKA NYUSO ZAO

                             

                           mcharoman blogy fahar yako mtanzania

Wapiganaji waliofunika nyuso zao wameshambulia eneo la chuo kikuu cha Garissa kaskazini mwa Kenya karibu na mpaka wa taifa hilo na Somalia.

Milio mikali ya risasi pamoja na milipuko imesikika katika chuo kikuu cha Garissa mjini humo.

Maafisa wa usalama wa Kenya wamethibitisha kuwa watu wawili wamefariki huku wanne wakijeruhiwa.

Wakazi wa eneo hilo wametakiwa kukaa mbali na eneo la chuo hicho.

Haijulikani ni nani aliyekusika na shambulizi hilo ,lakini kundi la wapiganaji wa Somalia Al shabaab limetekeleza misururu ya mashambulizi mjini Garissa pamoja na maeneo mengine ya Kenya tangu mwaka 2011 wakati wanajeshi wa kenya walipopelekwa Somalia.

SOURCE BBC