 |
| Miili ya abiria ikiwa imenasa katika basi la Unique |
Ajali za barabarani zimeendelea kujitokeza mabapo leo majira ya saa tisa kasorobo mchana watu 10 wamefariki dunia na wengine 50 kujeruhiwa baada ya basi la Kampuni ya Unique Express lenye namba za usajili T148 kugongana na lori aina ya scania lenye namba za usajili T207 BSA na tela lenye namba za usajili T635 AJT mali ya kampuni ya Coca Cola katika barabara ya Tinde Shinyanga eneo la kijiji cha Ibingo kata ya Samuye wilaya ya Shinyanga mkoani Shinyanga.
Mashuhuda wa tukio wameimbia Malunde1 blog kuwa dereva wa lori alikuwa anaendesha gari akiwa katikati ya barabara huku dereva wa basi akiwa katika mwendo kasi hali ambayo katika kukwepa basi hilo aligonga tela la lori kisha kupinduka.
Kamanda wa polisi mkoa wa Shinyanga Justus Kamugisha aliyeko eneo la tukio alisema watu 10 wamepoteza maisha katika ajali hiyo kati yao 9 walifariki dunia papo hapo huku majeruhi 50 wakiwemo wanawake 13,wanaume 36 na mtoto mmoja wa kiume wanapata matibabu katika hospitali ya mkoa wa Shinyanga.
Habari zaidi na Picha Tutawaletea hivi punde
Na Kadama Malunde-Malunde1 blog
Hakuna maoni:
Chapisha Maoni