Moto mkubwa uliozuka JANA mchana katika jengo la biashara Machinga Complex Ilala jijini Dar es salaam, umedhibitiwa baadaa ya kuteketeza mali katika baadhi ya maduka.
Akizungumza na mwandishi wetu, Mwenyekiti wa bodi ya usimamizi wa jengo la Machinga Complex, Godwin Mmbaya amesema moto huo umedhibitiwa na hali ni shwari.
“Tunashukuru Mungu moto umedhibitiwa kabla haujasambaa zaidi, kikosi cha zimamoto kiliwahi mapema na kilisaidia kufanikisha kuzima moto.
"Hakuna mtu alieyeumia zaidi ya kuteketea kwa mali kwenye maduka ambayo moto ulitokea, bado hatuna tathimini ya mali zilizoteketea, chanzo cha moto ni fundi alikuwa anakata kitu na mashine sasa vile cheche zikadondokea kwenye kitu, moto ukatokea na kuchanganya, sisi kwanza tunawapa pole wale wote waliopotelewa na mali zao kwa moto,” alisema Godwin.
Katika hatua nyingine Godwin alisema material yaliyotumika kujengea jengo hilo ni material ambayo hayawezi ungua na moto hali iliyosaidi moto huo kutosambaa mbali zaidi.
Hakuna maoni:
Chapisha Maoni